Gin-athag ni President Ferdinand Marcos, Jr. nga indi direkta para sa Chinese nationals ang mas istrikto nga visa requirement kundi mas hugton lang sang gobyerno ang naga-exist na nga daan nga mga pagsulundan agud nga malikawan ang dinayaay sa aplikasyon nga nagaresulta sa mga pagpang-abuso.
Sabat ini sang presidente sang ginpa-klaro sa iya ang anunsyo sang Department of Foreign Affairs (DFA) nga mas hugton sini ang requirements para sa Chinese nationals nga naga-apply para sa Philippine visa agud nga malikawan ang peke nga mga aplikasyon kag dokumento sa Philippine embassy kag consulates.
Suno naman sa presidente, wala sang espesyal nga set sang pagsulundan sa bisan ano nga nationality. Palareho lang ini suno kay Marcos kag mas kay-uhon lang ang implementasyon subong.
”Let me explain. Walang stricter rules kahit sa kanino. Pare-pareho lang ang rules sa lahat ng ating mga kaibigan na nanggagaling. Ang problema lang dahil maliwanag na maliwanag at lumalabas ang mga report na mayroon nag-aabuso nito. Kaya babantayan namin ito,” pahayag sini.
Paathag pa sini, bangud sang indi hugot ang proseso sa visa application, nakasulod sa pungsod ang foreigners nga sang ulihi natukiban nga mga scammers ukon traffickers.
”So, what we will do is to more strictly enforce. Whereas dati hindi natin masyadong tinitingnan, nakita natin maraming nagiging problema dahil diyan nakakakuha sila ng mga peke na dokumento, kung ano-ano ginagawa, may mga illegal, mga scammer, mga may human trafficking. Maraming problemang dala,” dugang sang chief executive.
”Pantay-pantay lang lahat pero gagandahan namin ang enforcement doon sa examination doon sa mga nag-a-apply ng visa o doon sa mga nagko-convert doon sa tourist visa na student visa, at ‘yung mga bumibili ng lupa dahil [nagpapanggap] sila na Pilipino sila… ‘Yung mga ganong klaseng — ito ‘yung mga nakikita nating scammer, mga human trafficking, ‘yun ang binabantayan namin. Kahit naman sino basta’t ginagawa nila ‘yan, huhulihin natin,” pahayag pa sini.
Una na nga ginpahayag sang Bureau of Immigration (BI) nga ang paghugot sa visa requirements ang makabulig man sa pag-proteher sa national security.
Sandig naman sa pahibalo sang DFA gina-require ang visa applicants nga magpasa sang social insurance certificate bilang pamatuod sang ila nga identities. Ang iban pa nga requirements amo ang bank statements, na-notaryuhan nga letter of support halin sa iya kadtuan diri sa Pilipinas, kag hotel kag airfare bookings.#
