Ginbalasa ni President Ferdinand Marcos Jr. ang pila ka ahensya nga involved sa maritime security.
Ini bangud suno sa presidente, madamo ang seryoso nga mga pagpanghangkat nga fgina-atubang sang pungsod nga lapaw pa sa pagpamahog sa territorial integrity sang Pilipinas.
Sa Executive Order No. 57 ukon ang “Strengthening the Philippines’ Maritime Security and Maritime Domain Awareness, gin-rename kag gin-reorganize ang National Coast Watch System (NCWS) kag ginhimo nga National Maritime Council.
Pamunuan ini sang Executive Secretary kag ang myembro amo ang tiglikom sang masunod nga mga ahensya:
Department of National Defense
National Security Council
Department of Agriculture
Department of Energy
Department of Environment and Natural Resources
Department of Foreign Affairs
Department of Finance
Department of the Interior and Local Government
Department of Justice
Department of Transportation
Office of the Solicitor General
National Intelligence Coordinating Agency
Ang National Task Force for the West Philippine Sea nga gintukod sang 2016 ang mahimo na nga attached agency para matutukan ang isyu sa West Philippine Sea.
Ang secretariat sini nga Presidential Office for Maritime Concerns ang pamunuan sang Presidential Assistant for Maritime Concerns nga ang maga-uyat amo ang former military chief nga si Andres Centino nga amo ang direkta nga maga-report sa presidente sa importante nga mga bagay nga nagaapekto sa maritime security sang pungsod.
Sa masunod nga semana, magabyahe man ang presidente sa Washington DC agud tambungan ang trilateral meeting kaupod sanday US President Joe Biden kag Japanese Prime Minister Fumio Kishida kun sa diin istoryahan man ang trade and cybersecurity kag ang maritime concerns.
Ini nga tikang sang Pilipinas ang kasunod sang latest water cannon attack sang China Coast Guard sa resupply mission sang Pilipinas sa Ayungin Shoal.#
