Ginpahanumdom ni President Ferdinand ‘Bongbong’ Marcos, Jr. sa bag-o nga mga heneral kag flag officers sang militar nga indi mag-traidor sa Konstitusyon kag magpabilin nga loyal sa pungsod.
Kadungan ini sang iya speech sa iya pagpanguna sa pagpanumpa sang 39 ka newly-promoted officers sang Armed Forces of the Philippines (AFP) sa Malacañang, Mayo 13.
“I know that until the last hour of your last day in office, you will do your work that honors our oath, respects our uniform, earns the admiration of our peers and affirms the prestige that you have earned through a lifetime of service,” pahayag sini.
Ginmanduan man ni Marcos ang militar nga magpabilin nga vigilante sa mga pagpamahog subong kag sa magaguluwa pa nga security threats sa Pilipinas nga possible magsablag sa kalinong sang pungsod.
Naghingyo man ang presidente nga indi gid pagpaslawon ang mga Pilipino sa pagsalig sini nga depensahan kag palanggaon sang militar ang Republika sang Pilipinas.
“Be mindful always of the weight that that (rank) carries. After all, the load that you feel are in fact our people’s hopes. Especially now that we are at the juncture of our history where our nation faces complex security challenges,” dugang sini. “This is the landscape that confronts you now. It is the security terrain that you have to address in the remaining tours of duty of your career.”
Nahibaluan nga may nagaguluwa nga espekulasyon nga may nagaplano nga sipaon si President Marcos gikan sa pwesto.
Apang sang nagligad nga semana, nagsabat ang presidente nga indi ini mag-conduct sang loyalty checks sa aktibo nga mga myembro sang Philippine National Police (PNP) kag Armed Forces.
Ginsiling sini nga wala siya sang nabaton nga report nga may active members ang pulis kag militar nga naga-kooperar sa ginaalegar destabilization plot batok sa iya nga administrasyon.
