Ginkumpirma sang Bureau of Corrections (BOC) nga iga-release si Mary Jane Veloso 8:00 subong nga gab-i, Septyembre 25.
Subong nga adlaw sang ginsapubliko nga gin-grant ni President Bongbong Marcos ang absolute pardon para kay Veloso.
Si Veloso isa ka OFW nga gin-aresto sa Yogyakarta, Indonesia sang 2010 matapos makit-an sang mga awtoridad ang 2.6 kilos nga heroin sa iya bagahe.
Gin-convict siya sa kaso nga drug trafficking kag ginsentensyahan sang kamatayon.
Padayon niya nga ginpahayag nga wala siya nakahibalo nga may droga sa iya bagahe kag gintunto lamang siya sang mga tawo nga nag-recruit sa iya para magtrabaho sa luwas sang pungsod.
Matapos ang pila ka tuig nga negosasyon, nagkasugot ang Indonesia kag Pilipinas sang 2024 nga ibalhin si Veloso sa kustodiya sang Pilipinas.
Nag-abot siya sa Pilipinas sang Disyembre 2024 kag ginbutang sa Correctional Institution for Women sa Mandaluyong City agud ma-serve ang nabilin nga bahin sang iya sentensya.
