ILOILO CITY – Mas madamo nga government civilian agencies ang nagapangayo sang confidential funds sa idalom sang ila proposed budget para sa 2024.
28 ka mga ahensya ang pormal nga nag-request sang confidential funds sa ila 2024 budget nga mas mataas kun ipa-anggid sa 21 ka mga opisina nga nagpangayo sang amo nga appropriation sang 2016.
Una na nga ginpahayag sang Department of Budget and Management nga ang kabug-usan nga balor sang confidential and intelligence funds sa tanan nga mga ahensya sa 2024 proposed budget ang nagdangat sa P10.14 billion, lakip na ang P4.5 billion sa Office of the President kag P500 million para sa Office of the Vice President.
Sa Joint Circular No. 2015-01 sang Commission on Audit, ang confidential funds amo ang allocations nga ginagamit sang civilian government agencies para sa surveillance activities nga nagasuporta sa ila mandato.
Ini ang lain man sa intelligence fund nga ginagamit sang mga uniformed, military personnel, kag intelligence practitioners sa pagpangita sang impormasyon may kaangtanan sa national security.
Suno kay Dr. Maria Fe Mendoza sang University of the Philippines National College of Public Administration and Governance, ang pagdamo sang mga civilian agencies nga nagapangayo sang pondo ang posible bangud sang pagbag-o sang kinahangalanon sang pungsod.
Pahayag niya, sang una, ang confidential funds ang ginatigana lamag sa Office of the President.
Ini bangud nga kinahanglan sang confidential funds para sa special pet projects.
Apang sa subong, ang ginalantaw nila amo nga ang national security ang indi lamang peace and order ukon ang problema sa defense ukon sa mga terorista kundi lakip na ang national security.
Pahayag niya, gina-audit sa gihapon sang Commission on Audit ang pondo apang indi ma-publish ang reports sa paggamit sang budget.
Sang damlag, ginpahayag ni Vice President Sara Duterte nga ang Office of the Vice President ang nagpangayo sang confidential funds sang August 2022 kag nagbaton sang allocation sang Desyembre sang amo man nga tuig.
Ini ang gin-question ni Senator Risa Hontiveros.
Lakip man sa mga nagkwestiyon amo ang Makabayan bloc sa House of Representatives.
