CALINOG, ILOILO – Temporaryo nga ginsuspinde ang operasyon sa tanan nga opisina sa Daewoo Engineering & Construction Company sa Barangay Agcalaga, Calinog, Iloilo epektibo kaina sang aga kag magalawig tubtob sa Abril 28.
Ini ang kasunod sang local transmission sang COVID-19 sa amo nga construction company kun sa diin santo sa rekord sang Rural Health Unit – Municipality of Calinog, naglab-ot na sa 27 ang active cases.
Ini nga positive cases ang resulta sang 56 nga ginpaidalom sa swab test nga close contact sang Korean National nga amo ang index case nga nagpositibo sang Abril 13.
Sa executive order No. 35 nga gin-isyu ni Mayor Francisco Calvo, nakasaad man nga sirado man ang tanan nga entry points padulong sa opisina sang construction company sa Barangay Agcalaga.
Ini nga entry points ang yara sa Barangay Alibunan kag Barangay Peque�o.
Sa interview sang Bombo Radyo kay Calvo, iya ginpahayag nga subong, masobra 1,000 ang natalana nga ipaidalom sa swab test bangud sang close contact sa mga pasyente.
Ini bangud pila sa mga empleyado ang naka-direct contact sa ila tagsa ka pamilya bangud nakapauli pa sila sa ila nga balay antes nakumpirma ang infection sang COVID-19.
