Nagalab-ot sa masobra 2,900 ka mga specimen ang ginakabig nga backlogs sa Western Visayas Medical Center Subnational Laboratory.
Sa interview sang Bombo Radyo kay Dr. Stephanie Abello, head pathologist sa nasambit nga ospital, iya ginpahayag nga nag-umpisa ang backlogs sang Hunyo 30 tubtob Hulyo 3 bangud nagdangat sa 1,200 ka mga specimen ang ila nabaton nga kuntani ang kapasidad lamang ang yara sa 800 kada adlaw.
Suno kay Abello, masarangan kuntani sang Western Visayas Medical Center Subnational Laboratory kun 800 lang ka mga specimen ang ginapadala.
Bangud wala sang suspensyon sa pagbaton sang specimen, laoman nga magadugang pa ang backdlogs sa nasambit nga ospital.
Sa pagkamatuod pahayag ni Abello, wala na nagapadala pa sang specimen ang Palawan sa Western Visayas Medical Center Subnational Laboratory kundi didto na lamang sa Metro Manila.
Indi pa mapat-od sang natungdan kun kutob san-o ma-ubos ma test ang mga specimen nga yara nagapabilin sa laboratoryo.
