Na-intercept sang border officials ang 40 ka mga bus nga nagakarga sang ginatos ka mga kabataan halin sa Zimbabwe nga ginapatihan nga nga i-traffic kuntani sa South Africa.
Suno sa South African Border Management Agency, 443 ka mga kabataan nga nga lunsay menor de edad ang unod sang mga bus kag nagabyahe sila nga wala sang guardian ukon ginikanan ukon iban nga hamtong nga kaupdanan.
Wala ginpasulod sa South Africa ang mga bus, ginkontak ang Zimbabwean officials, kag ginproseso agud nga mapabalik ini sa Zimbabwe.
Todo-depensa naman ang organisasyon nga naga-tiglawas sang foreign nationals sa South Africa nga ginpadala kuntani ang mga kabataan agud nga makigkita sa ila ginikanan nga naga-trabaho sa amo nga pungsod.
Nahibaluan nga masobra isa ka milyon nga Zimbabweans ang nagapuyo sa South Africa, kag kadam-an diri ang iligal lamang bangud nagtal-as sila halin sa ila orihinal nga puluy-an sa kaiping nga pungsod sang natabo ang kinagamo kag krisis sa ekonomiya.
