Masobra 400,000 ka mga Lebanese ang amat-amat na nga nakabalik sa ila mga balay matapos magtahaw na ang inaway sa tunga sang Israel kag Hezbollah, suno kay Social Affairs Minister Hanine El Sayed.
Apisar sini may iban sa gihapon ang indi makapauli bangud tuman nga naguba ang ila nga mga balay.
Sa matandaan nga halin sang Marso, ginabulubanta nga 1 milyon ka tawo ang napilitan nga mag-evacuate kag linibo pa ang nagapabilin sa mga evacuation center.
Suno sa gobyerno, mga 40% sang mga nag-evacuate ang nakabalik na sa ila mga banwa kag baryo.
Padayon man ang paghatag sang gobyerno sang cash assistance, suporta sa mga apektado, kag iban pa nga bulig para sa mga wala pa makapauli.
Apisar nakabalik na ang iban, nagaatubang sa gihapon ang mga ini sang problema kaangay sang pagkaguba sang ila nga mga balay, kakulangan sang suplay sang tubig kag kuryente, kag pagkadula sang ila nga pangabuhian.
Ginabulubanta nga 90,000 ka mga balay ang naguba gid bangud sang inaway.
Nagalaom naman ang gobyerno sa amo nga pungsod nga madugangan pa ang mga makapauli sa masunod nga mga inadlaw kag amat-amat nga makay-o na ang mga pasilidad nga naguba sa ila nga lugar.
