Naglab-ot na sa masobra 724,000 ka mga indibidwal ang apektado sang nagluntad nga magnitude 7.8 nga linog sang Hunyo 8.
Ini ang base sa datos nga ginpaguwa sang Office of Civil Defense (OCD) subong nga Hunyo 14.
Nahibaluan nga halin sang Hunyo 8, masobra naman 5,200 aftershocks ang nabatun sang pila ka bahin sang Mindanao halin sa Magnitude 1.2 tubtob 6.4 nga mas nagadugang sang kakulba sa mga residente.
Naglab-ot naman sa 61 ka mga indibidwal ang nasapwan nga bangkay kun sa diin 54 diri ang halin sa Region 12 kag pito naman ang halin sa Region 11.
Sa subong, padayun pa nga ginapangita ang 40 ka tawo kasunod sang mabaskog nga pagtay-og sang duta.
