ILOILO –Dakop ang isa ka lalaki matapos matukiban nga naga gamit sang peke nga kwarta Brgy. San Isidro Jaro, Iloilo City.
Ang suspetsado ang ginkilala nga si Edmond Dela Torre residente sang nasambit nga lugar.
Sa interview sang Bombo Radyo kay Police Capt. Eduardo Siacon Jr., hepe sang Jaro Police Station iya ginpahayag nga una na nga ginpanginwala ni Dela Torre ang akusasyon sa iya matapos nga madakpan nga nag gamit sang peke nga duha ka P500 nga ginbakal niya sa tyangge apang sa ika duha nga pagpamangkot sa iya na ini nga gin ako kag siya mismo ang nagtudlo kun diin niya gintago ang iban pa nga kwarta.
Suno kay Siacon, ginkumpirmar man sang suspetsado nga may yara siya sang dala nga P100,00 nga kwarta nga lunsay peke kag P27,000 nalang nabilin bangud nagamit na niya ini.
Dugang sang natungdan, base man sa panaysayon sang suspetsado, sa Manila pa niya ginakuha ang mga peke nga kwarta kag plano niya ini nga gamiton diri sa syudad sang Iloilo.
Nahibaluan nga ang iloy mismo ni Dela Torre ang nagpadakop sa iya bangud ginkawat sini ang ila nga TV antes maglakat sa Manila.
Sa subong napasakaan na sang kaso ang suspetsado kag preso na sa Jaro Police Station kag gina tinghuaan naman sang kapulisan nga ma rekober ang iban nga peke nga kwarta nga nagamit na sang suspek.
Ginpaandaman naman ni Siacon ang pumuluyo nga maghalong bangud nagalapta na ang mga peke nga kwarta ilabi na subong nga naga hilapit ang paskwa.
