Nanindugan si NBI Director Melvin Matibag nga gin-consummate ni Vice President Sara Duterte ang betrayal of public trust sang gin-ako sini sa publiko nga nagkontrata siya sang assassin batok kay President Ferdinand Marcos, Jr.
Kadungan ini sang ginpatigayon nga cross-examination sang defense counsel sa ikasiyam nga adlaw sang nagapadayon nga impeachment trial.
Suno kay Matibag, ini bangud nga ang oath sang Office of the Vice President amo nga magpatuman sang layi kag ihatag ang hustisya sa kada tawo.
Apang, pahayag ni Matibag, ang ginhimo ni Duterte nga pagtuyo nga pagpatay ang indi makabig hustisya sa kada pumuluyo.
Dugang niya, indi ini pag- execute sang layi kundi pag- execute ukon pagpatay sa presidente.
Ginhingyo naman sang defense sa korte nga panason ang pahayag ni Matibag apang ginbasura ni Presiding Judge Chiz Escudero ang mosyon.
Sa bahin naman ni lead impeachment prosecutor kag Batangas Rep. Gerville Luistro, ginpamatukan niya ang pag-object sang depensa kag ginsiling nga ginsabat lamang ni Matibag ang pamangkot.
