ILOILO CITY – Nagpanindugan si Iloilo City Mayor Tre as nga mahimo sa gihapon nga maka-confiscate sang driver s license ang mga traffic aides sa syudad apisar sang legal opinion nga ginpamatukan sang Department of Justice.
Sa interview sang Bombo Radyo kay Mayor Treñas, iya ginpahayag nga sa idalom sang City Regulation Ordinance No. 338, nakasaad nga ginatugutan ang mga policemen kag traffic aides nga maka-confiscate sang driver’s license.
Suno sa alkalde, makapila na ka beses ginkwestyon ang ordinansa, apang wala man ini gindeklarar nga null and void sang korte pra ipauntat.
Ginpahayag dugang ni Treñas nga wala sang court decision nga nagdeklarar sang ordinansa bilang ‘unconstitutional’, gani ginpakamaayo sini nga ipatuman ang ordinansa.
Sa pihak sang pagpamatok sa ordinansa, ginhangkat sang alkalde ang mga nagareklamo nga magpasaka nalang sang kaso.
