Sa ikaduha na nga kahigayunan, wala na naman nagsulod sa session hall sang Senado ang mga myembro sang majority bloc.
Lunsay mga senador lamang halin sa minorya ang present sa session hall subong nga hapon.
Magasugod kuntani ang session las-tres sang hapon subong nga adlaw.
Matandaan nga kahapon, wala man nagpakita ang majority senators para sa session matapos gin-aresto si Senator Jinggoy Estrada angot sa kaso sini nga plunder.
Kasunod sang “no show” sang majority bloc subong nga hapon, ginpahayag ni Senator Erwin Tulfo nga makit-an niya nga gina-boycott sila sang majority senators.
May kaangtanan naman sa inaway sa numero sang minorya kag mayorya, ginpahayag ni Tulfo nga kaangay nga ginbusted ang minority bloc sa mga ginaistorya nila nga senador sa bahin sang mayorya agud magsalyo sa ila nga grupo kag liwat nga mabawi ang liderato sang Senado.
Gin-athag man niya nga apisar wala pa sila sang bastante nga numero, padayon ang ila pagpangaluyag sa mga kaangay nga senador sa mayorya.
