ILOILO CITY- Ginaabi-abi ni Iloilo City Mayor Jerry Trenas ang rekomendasyon sang Inter-Agency Task Force for the Management of Emerging Infectious Diseases nga himuon nga optional na lang ang paggamit sang face mask.
Sa interview sang Bombo Radyo sa alkalde, iya ginpahayag nga kinahanglan nga amat-amaton na ang pagbalik sa normal ang pagsinalayo sang tawo sa syudad.
Apang suno sa opisyal, indi anay ini mag-isyu sang executive order kag hulaton na lang nga si Presidente Ferdinand Marcos Jr. mismo ang magmando sini.
Apang, gin-athag niya nga indi mangdakop ang otoridad sa syudad sa mga pumuluyo nga wala nagasuksok sang face mask.
