ILOILO CITY- Nanindugan si Iloilo City Mayor Jerry Treñas nga indi na magpahilabot ang siyudad sang lloilo sa kun ano ang dapat himuon sa Ungka flyover.
Sa interview sang Bombo Radyo kay Iloilo City Mayor Jerry Treñas, iya ginpahayag nga ginatugyan na niya sa Department of Public Works and Highways ang kapalaran sang amo nga proyekto.
Suno sa alkalde, sa pagkamatuod, wala man gani nakapakig-angot sa iya ang ahensya sang malapit na lang kuntani buksan ang flyover apang indi man ini big deal para sa alkalde.
Una naman nga nagkwestiyon ang Iloilo City Council kun ngaa wala sang may ginpadala sa ila nga prior notice angot sa pagbukas sang Ungka flyover kag lunsay verbal lamang.
Ginpahayag sang alkalde nga ang ila lang dapat himuon amo ang pag- deploy sang personnel agud magdeliher sang trapiko sa Ungka, Jaro.
Samtang, mas pilion naman ni Mayor Treñas nga mag- agi sa ibabaw sang flyover sa baylo nga sa idalom bangud suno sa iya, mas safe kun sa ibabaw pananglitan nga hinali lang nga marumpag ang flyover.
