ILOILO CITY – Wala nasabat ni Iloilo City Mayor Jerry Treñas ang pamangkot kun bala, may yara sang kasulatan ukon dukomento nga makapamatuod nga buligan sang syudad ang mga biktima sa Baldoza, La Paz tragedy.
Ini ang kasunod sang kahangawa sang pamilya sang mga biktima nga matapos ang termino ni Mayor Treñas kag indi makalab-ot sa ila ang bulig kag wala sila sang sukton.
Sa interview sang Bombo Radyo kay Treñas, iya ginpahayag nga nakahanda man ang syudad nga magbulig sa ano man nga kinahanglanon sang pamilya sang mga biktima.
Suno sa iya, kinahanglan lang nila nga magpadulong sa City Social Welfare and Development ukon sa iya opisina.
Mangin ang alkalde ang nakahanda man nga maghatag sang bulig kaangay sa pagpa-eskwela niya personal sa mga pigado nga Ilonggo nga wala man na-involve sa ano nga disgrasya ukon indi pamilya sang napatyan.
Samtang, sa tion nga magpasaka sang kaso ang pamilya, nakahanda siya nga atubangon ini.
Liwat naman nga nagpanindugan si Treñas nga aksidente lamang ang natabo.
