Mas nangin madahog ang baklanay sang ready-made nga mga kakanin sa Iloilo Terminal Market subong nga tuig.
Sa interview sang Bombo Radyo sa kay Marilyn Olaira, isa ka vendor sang ready-made kakanin, nalipay sila nga bisan nagmahal ang presyo sang kalamay kag pilit, madamo gihapon ang nagabakal sang ila linuto kaangay sang puto, biko, ibos, kag iban pa.
Suno kay Olaira, bisan ginpasakaan nila ang presyo sang ila nga mga produkto, madamo gihapon ang ila customer bangud mas mahapos suno sa bumalakal nga magbakal na lang sang luto na sang magluto pa sila.
Nahibaluan nga lima ka piso ang ginsaka sang presyo sang pila ka mga kakanin nga naghalin sa nagkalia-lain nga probinsya. Ang puto nga may kapital nga 12 pesos ginabaligya sa tag-duha sa P25, samtang ang bayi-bayi nagmahal halin 35 pesos tubtob 40 pesos.
