ILOILO CITY- Apektado ang mga negosyo sa Iloilo City kasunod sang nagluntad nga total blackout.
Sa interview sang Bombo Radyo kay Rodelyn Cusay, nagaubra sa batchoyan sa Iloilo Central Market, iya ginpahayag nga tuman kadulom ang ila baligyaan bangud wala sang suga gani mabudlay ang ila hulag kag ang pag-atender sa customers.
Suno kay Cusay, nagdugang man ang kainit sa ila pwesto.
Nagalaum naman ini nga magbalik na sa normal ang suplay sang kuryente subong nga adlaw.
