ILOILO CITY-Ginakabig sang mga pasahero sang nagsadsad nga barko sang Cokaliong Shipping Lines kag na-stranded sa kadagatan nga sakop sang Barangay Kaongkod, Madridejos, Cebu nga indi gid halandumon ang ila inagihan.
Ang MV Filipinas Butuan nga may karga nga 239 ka mga pasahero ang naghalin sa Pier 1 sa Cebu City kag padulong sa syudad sang Iloilo sang nagdiretso ang sakayan sa manabaw nga bahin rason nga nagsadsad ini dugangan pa nga madulom sang natabo ang insidente.
Sa interview sang Bombo Radyo kay alyas Reymond, isa sa mga pasahero, apisar ginhatagan sila sang refund sa ila pamasahe, indi ini kabayad sa huol nga natuga sang insidente bangud nga duha ka adlaw sila nga na-delay sa ila gina-ubrahan sa Iloilo.
Suno kay Reymond, magluwas nga na-delay, dismayado man sila sa amo nga kompaniya sang barko bangud nga kaangay nga ginsalig lang nila sa locl government unit sa Cebu ang ila responsibilidad sa mga pasahero.
Kahapon, nag-abot na sa Iloilo ang mga pasahero sakay sa barko sang Philippine Coast Guard.
