Nagahanda na ang pila ka mga Pilipino sa Middle East pananglitan magtakop ang 48 ka oras nga ginhatag ni United States President Donald Trump sa Iran agud buksan ang strait of Hormuz.
Suno kay Bombo international correspondent Joseph Rivera direkta sa Qatar, iya ginpahayag nga nagatipon na ang mga ini sang pila ka mga supply sang pagkaon, ilabi na ang tubig, agud makapangaman ang mga ini kun tumanon ni Trump ang iya ginbuy-an nga mga salaysay nga pag-bomba sa Iran, ilabi na sang power plant sini sa Tehran.
Dugang pa ni Rivera nga dako ang posibilidad nga maapektuhan gid ang mga ini, lakip na ang kaiping nga mga pungsod sang Iran.
Nagakabalaka sa karun ang madamo nga mga Pilipino sa amo nga rehiyon, bangud sa posible pag-init pagid sang tensyon sa tunga sang Amerika kag Iran.
Nagpasalig naman ang Qatari government nga padayon ang ila military defense, agud pangapinan ang ila pungsod, ilabi na ang ila pumuluyo.
