ILOILO CITY- Napahamtang na ang buot sang pila ka mga Filipino sa pila ka bahin sang Israel sa tunga nagapadayon nga giyera sang amo nga pungsod batok sa Palestinian militant group nga Hamas.
Suno kay Bombo Benjamin Nepomuceno, international correspondent sa Jerusalem City nga kapital sang Israel, wala na sila sang nabatian nga sirena sa sulod sang duha na ka adlaw umpisa sang naglupok ang kinagamo lima ka adlaw na ang nagligad.
Apang suno kay Nepomuceno, kaangay nga ghost towns sa gihapon ang mayorya sang syudad kun sa diin ang masami napun-an sang mga turista ang halos ilisipon na lang ang mga tawo.
Pahayag ni Nepomuceno, kanselado sa gihapon ang mga klase sa eskwelahan,sirado ang mga shops kag restaurants.
Dugang niya, may yara man sang panic buying apang gin-athag sang otoridad nga indi ini kinahanglan bangud nga bastante man ang suplay sang nagapanguna nga mga balaklon.
