Naga-ulu-anggid ang mga pagpanghangkat nga gina-atubang sang mga tawo subong nga panahon sang krisis sa pagpanghangkat nga gin-atubang sang World War II veterans.
Kabahin ini sang mensahe ni President Ferdinand “Bongbong” Marcos, Jr. kadungan sang komemorasyon sang 84th Anniversary sang Araw ng Kagitingan sa Mt. Samat National Shrine sa Pilar, Bataan subong nga adlaw, Abril 9.
Partikular nga na-mensyonar sang presidente ang giyera sa Middle East kag ang epekto sini sa kalibutan lakip na ang nagapanglakaak nga presyo sang gatong.
“Today’s challenges may not mirror those of yesterday, but they test us in much the same way. Among these is the enduring geopolitical tension that we are observing in the Middle East,” suno kay Marcos.
Dugang niya: “While we may stand far from the centers of conflict, we are not untouched by its consequences. Fuel prices weigh heavily on Filipino families, those who already have the least having been subjected the most to this scourge.”
Suno sa presidente, ang sakripisyo sang mga baganihan nga Pilipino kag mga beterano ang nagapahanumdom sa mga Pinoy nga maghulag nga may pagkamabinantayon, pag-isa, kag pagka-maisog subong nga panahon.
Ginpasalig sini ang publiko nga nagahimo sang tikang ang gobyerno agud nga mapahagan-hagan ang epekto sang krisis lakip na ang pag-stabilize sang suplay sang gatong kag paghatag sang proteksyon sa mga konsumidor sa pagtaas sang mga presyo.
Apang dugang sini, indi bastante nga gobyerno lang ang mahulag.
Ginpahanumdom sini nga responsibilidad sang tanan ang “nation-building” kag dapat nga naka-angkla ini sa integridad, kaisog, kag paghigugma sa pungsod.
“Nation-building has always been a shared responsibility. But for this collective responsibility to succeed, it must be grounded in integrity, in courage, and in love for country. Sa panahon ng matitinding pagsubok, tulad ng nangyayari ngayon, kailangan nating balikan ang isang mahalagang bahagi ng katangian ng bilang Pilipino—ang pakikipagkapwa. Dapat nating kilalanin na ang bawat isa ay may parehong pangangailangan, may parehong pangarap, at may parehong pinagdaraanan,” dugang sang presidente.
Importante suno kay Marcos ang pagkikipagkapwa ukon ang pagbulig sa isigkatawo bilang tikang sa tunga sini nga mga pagpanghangkat.
“Sa ganitong paraan, mapapalalim natin ang ating tiwala sa pamahalaan, ang ating malasakit sa kapwa, at ang ating pagmamahal sa ating bayan. Dahil kapag iniisip natin ang kapakanan ng iba, mas nagiging malinaw kung bakit kailangan tayong magtulungan at magkaisa,” dugang niya.#
