Mga vendors nga apektado sang rehab sa mga public markets sa Iloilo City, makasaylo na sa ila relocation sa tunga-tunga sang Agusto

ILOILO CITY- Ginalauman nga makasaylo na ang mga vendors sa ila relocation sa tunga-tunga sang Agusto kadungan sang pagpaidalom sa rehabilitation sa pila ka mga merkado sa syudad sang Iloilo.

Sa interview sang Bombo Radyo kay Maricel Mabaquiao, head sang Local Economic Economic Enterprise Office (LEEO), iya ginpahayag nga sa bahin sang La Paz market, 90 % na nga halos handa ang relocation site, halos 70 % naman sa Jaro Big Market, kag halos 95% naman sa Arevalo Public Market.

Suno kay Mabaquiao, may ginabutang nalang nga insulator agud indi mainitan ang mga vendors sa ila mga pwesto.

Pahayag sang LEEO head, sapulon niya ang mga vendors angot diri.

Wala naman sang pagbag-o sa renta sa pwesto sang mga vendors sa nasambit nga mga merkado.