Nagmandu si Armed Forces of the Philippines (AFP) Chief of Staff General Romeo Brawner, Jr. sa tanan nga myembro sang pwersa-militar sang pungsod nga magtuon sang traditional Filipino martial art nga Arnis.
Kasunod ini sang demonstrasyon nga ginhimo sang Philippine Army Arnis Group kadungan sang 127th anniversary celebration sang Army sa Camp O’Donnel sa Capas, Tarlac.
Pahayag ni Brawner, dapat man ini nga itudlo pati sa Philippine Navy kag Philippine Airforce bangud makadugang ini sa ikasarang sang militar nga magdepensa kun may mga emerhensya.
Kun may pamahog sa seguridad sang pungsod suno kay Brawner, dapat nga indi lamang magdepende sa armas kundi dapat nga gamiton pati ang kamot kag mangin competent agud makabato.
“If any threat comes to our country ay kailangan kayang kaya nating depensahan. Hindi lamang tayo dumedepende sa armas, but we have to be also adept and competent in fighting with our bare hands,” suno sa AFP chief.
Ang Arnis ang nadeklarar nga “Philippine National Martial Art and Sport” sang Disyembre 11, 2009 paagi sa Republic Act 9850 nga pirmado ni anay President Gloria Macapagal-Arroyo.#
