ILOILO CITY – Nag-abot na sa Pilipinas antes pa man ang Miss Universe Philippines 2022 coronation night si Miss Universe 2017 Demi-Leigh Tebow.
Ginpakigbahin ni Demi sa iya sa Instagram stories ang selfie niya samtang nagasakay sa eroplano kag subong ang mga litrato nga kuha niya samtang nga nagahanda para sa Miss Universe Philippines activities.
Ginpakigbahin man sini ang iya litrato nga may caption nga “mabuhay” kag may emoji sang Philippine flag.
Nalipay man ini sa iya liwat nga pagbalik sa pungsod.
Magluwas sina, gin-post man niya ang litrato nga nagakorona sa iya successor nga si Miss Universe 2018 Catriona Gray.
Kagab-i, nag-post man ini sang litrato nga kaupod niya ang pila ka mga kandidata sang Miss Universe Philippines.
Samtang, si Miss Universe Iris Mittenaere naman ang nagpakigbahin na sang iya selfie nga nagasakay sa eroplano padulong sa Pilipinas.
Si Demi kag Iris upod kay Miss Universe 2015 Pia Wurthbach ang maga-host sang Miss Universe Philippines 2022 coronation night nga pagahiwaton sa Abril 30 sa Mall of Asia Arena.
Si Miss Universe 2021 Harnaaz Sandhu naman ang yari na sa pungsod kag nag-judge sa preliminary activities sang pageant kag mangin special guest sa finals night.
