ILOILO CITY – Ginsabat ni Miss Universe 2018 Catriona Gray ang pila ka mga espekulasyon nga nagguluwa matapos ang delay sa announcement sang winner sa Binibining Pilipinas International crown.
Si Catriona ang nag-host sang amo nga pageant kaupod kay Miss Grand International 1st Runner Up Nicole Cordoves.
Ginpaathag ni Catriona ang pila ka minutos nga delay sang announcements sa tunga sang duha ka mga titles nga Binibining Pilipinas Intercontinental kag Binibining Pilipinas International.
Ginpakigbahin ni Cat ang mga pictures sang confusion nga makita sa stage subong man ang screenshot sang deliberation sang mga judges nga una nga gin-share sang board executive sang Binibining Pilipinas Charities, Incorporated (BPCI) nga si Miss International 2005 Lara Quigaman.
Suno kay Catriona, gin-announce nila ni Nicole ang mga winners santo sa naka-print sa title cards nga ginhatag sang official tabulators.
Bilang myembro sang overseeing committee sang deliberations, gin-recheck ni Mr. Ocho ang mga cards kag gin-confirm nga ang mga resulta nga gin-anunsiyo ang insakto gani nagpadayon ang announcement.
Ginpahayag man sang Miss Universe queen nga sa tion nga may sala sa announcement, indi siya magduha-duha nga mag-take sang nagakaigo nga correction bangud suno sa iya, siya man ang nangin isa ka pageant aspirant.
Ginpakigbahin man ni Catrion ang mga pictures sang 2022 winners nga ginalakipan nanday Binibining Pilipinas International Nicole Borromeo kag Binibining Pilipinas Intercontinental Gabrielle Basiano kag may congratulatory message sa ila.
Kung balik-balikan, ang mga nagdaog sa Binibining Pilipinas 2022 amo sanday:
*Binibining Pilipinas International Nicole Borromeo
- Binibining Pilipinas Intercontinental Gabrielle Camille Basiano
- Binibining Pilipinas Globe Chelsea Fernandez
- Binibining Pilipinas Grand International Roberta Angela Tamondong
- 2nd runner-up Stacey Daniella Gabriel
- 1st runner-up Herlene Nicole Budol
