ILOILO CITY- Nagpaandam ang Land Transportation Office sa mga driver nga illegal nga naga-modify sang ila mga motorsiklo.
Ini ang kasunod man sang pagdamo sang mga motorsiklo nga ginpangtakdan sang mga sidecar agud lang makapasakay sang pasahero.
Sa exclusive interview sang Bombo Radyo kay Ms. Riza Otayde, tagpamaba sang Land Transportation Office Region 6, iya ginpahayag nga kun luyag sang isa ka tag iya nga magpa ilis sang body design sang motorsiklo, nagakadapat nga magpa rehistro sa nasambit nga ahensya sang gobyerno kag magkuha sang clearance sa Highway Patrol Group (HPG).
Suno kay Otayde, kun maggwa sa registration sang isa ka motorsiklo nga may yara ini sang sidecar, ini ang maathag nga illegal change of body design kag illegal modification sa diin mahimo nga makuhaan sang drivers liscence kag magmulta sang P 5,078.00
Ginpahayag ni Otayde nga wala sang malain sa pagsunod sa mando sang Department of Interior and Local Government nga mahimo magbutang sang sidecar ang mga motorsiklo, apang nagakadapat nga magparehistro.
