ILOILO CITY- Gintiketan ang isa ka motorcycle rider bangud sa paglabay sa ibabaw sang Ungka flyover.
Ginpapundo ini sang traffic enforcer sa portion sang Ungka, Pavia.
Sa interview sang Bombo Radyo kay Mr. Dante Dumaguing, head sang Pavia Traffic Management Office, iya ginpahayag nga “diregarding traffic sign” ang violation sang amo nga rider kag ang gin-isyu nga tiket ang nagaserbe nga warning.
Suno kay Dumaguing, posible nga wala natalupangdan sang mga personnel sang Public Safety and Transportation Management Office nga nagabantay sa pihak nga entrance sang flyover sa Ungka, Jaro rason nga nakaagi ang motorsiklo sa ibabaw.
Nahibaluan nga ginadumilian ang paglabay sa flyover sang motorsiklo, tricycle, trisikad, kag bisekleta.
