ILOILO CITY – Nagatinudluanay ang tatlo ka mga persona sa nagluntad nga bungguanay sang motorsiklo sa Barangay Loboc Lapaz, Iloilo City.
Ang duha ka mga lalaki ang nakasakay sa motorsiklo nga amo sanday Mark kag Kelat samtang sa isa naman nga nagamaneho sang motorsiklo amo si Wellyn.
Ang tatlo ang lunsay pilason.
Suno kay Mark, si Wellyn ang nakabunggo sa ila ni Kelat bangud sa madasig nga pagpadlagan sini sang iya nga motorsiklo.
Kaangay sa depensa ni Mark, ginpanginwala man ni Kelat nga sila ang nakabunggo sa ginamaneho nga motorsiklo ni Wellyn.
Samtang hugot naman ang pagpanginwala ni Wellyn sa mga akusasyon sa iya sang duha ka mga lalaki kag ginatudlo man ang mga ini nga amo ang nagbunggo sa iya samtang nagamaneho.
Gilayon naman nga ginpadangat sa ospital ang tatlo ka mga persona agud madapatan sang nagakaigo nga pagbulong.
