Malipayon nga nagbiya sa France ang “queen of power ballads” nga si Celine Dion matapos ang madinalag-on sini nga performance sa opening ceremony sang Paris Olympics nga gindayaw gid sang bilog nga kalibutan.
Gin-sorpresa man ni Celine ang iya fans nga inors nga naghulat para makapa-picture sa iya sa guwa sang iya nga hotel. Ini paagi sa pagguwa sa sunroof sang iya salakyan kag pag-wave sini sa mga tawo sa palibot.
Ginpahayag man sang veteran singer nga emosyonal siya sa iya performance ilabi na sa atubang sang pinakamaayo nga mga atleta sa bilog nga kalibutan.
“I’m honoured to have performed tonight, for the Paris 2024 opening ceremony, and so full of joy to be back in one of my very favourite cities! Most of all, I’m so happy to be celebrating these amazing athletes, with all their stories of sacrifice and determination, pain and perseverance.
“All of you have been so focused on your dream, and whether or not you take home a medal, I hope that being here means that it has come true for you! You should all be so proud, we know how hard you have worked to be the best of the best. Stay focused, keep going, my heart is with you!,” kabahin sang pahayag sang music icon sa Instagram.
Sa seremonya, ginkanta sini ang “Hymn to Love” ni Edith Piaf nga rason pa sang paghibi sang iban nga mga tumalan-aw nga madugay man naghulat sa iya comeback performance matapos na-diagnose nga may Stiff-Person Syndrome halos duha ka tuig na ang nagligad.
Ini man ang ikaduha sini nga performance sa Summer Games matapos napilian man nga mag-perform sa Atlanta Olympics sang 1996.
Magluwas sa 56-anyos nga French-Canadian kag “My Heart Will Go On” singer, isa man sa nag-perform sa Olympics amo ang American superstar nga si Lady Gaga.
