Naglab-ot na sa masobra 25 bilyon US dollar ang nagasto sa nagakatabo nga gyera sa U.S kag Iran suno sa senior Pentagon official.
Ini ang labing una nga opisyal nga gin-isip ang balor sang nagakatabo nga gyera sa mga nasambit nga pungsod.
Kalabanan sa nagastos ang nagkadto sa mga bala kag armas apang wala pa naklaro kun nadala na diri ang pagpakay-o sang mga naguba nga military infrastructure sa Middle East.
Nahibaluan nga nag-umpisa ang gyera sang Pebrero 2026 paagi sa pagpang-atake sang U.S nga sa karon napaidalom ang mga ini sang temporary nga ceasefire.
May na-rekord nga 13 ka mga suldado nga Amerikano ang nagkalamatay kag madamo naman nga mga tawo ang nasamaran bangud sa pagpang-atake.
Nagbilin man ini sang pagkadelay sa suplay sang langis kag gas sa bilog nga kalibutan kun sa diin nagresulta sang pagtaas sang presyo sang gasolina kag pagkaon sa Estados Unidos.
Nagnubo naman ang suporta sang publiko sa gyera kun sa diin halos one-third sang Americans na lang ang nagasuporta diri.
Nangin sensitibo man ang pulitika samtang nagahilapit na ang midterm elections sa Estados Unidos.
