Nagkalausmod nga porsyon sang drainage system sa dalan sa Hinactacan, La Paz, ginpa-Bombo

ILOILO CITY- Ginpa-Bombo sang mga pumuluyo sang Hinactacan, La Paz, Iloilo City, ang nagaulusmod nga porsyon sang drainage system sa dalan.

Sa interview sang Bombo Radyo kay Mae Langreo, iya ginpahayag nga tuman ka delikado ini sa mga motorista kag may narecord na nga nagkaladisgrasya sa lugar.

Suno kay Langreo,sila na lang nga mga residente ang nagmato-mato butang sang sako sa nausmod nga porsyon sang drainage agud malikawan nga malabayan sang mga motorista.

Nagpanawagan man ini sa natungdan nga ahensya nga talupangdon kag kay-uhon ang amo nga drainage system agud makalikaw sa aksidente.