Nagpaguwa sang pahayag si Vice President Sara Duterte nga nagapasalamat sa mga naga-suporta sa iya sa tunga sang kontrobersiya sa confidential funds.
Sa video statement sang bise-presidente, ginsiling sini nga nahangpan gid niya nga dismayado kag akig ang iban sa iya supporters bangud may mga nagapanghilabot sa budget kag sa diskusyon sa amo nga pondo.
Kun matandaan, ginkakasan sang Kamara sang confidential funds ang Office of the Vice President kag ang Department of Education (pareho nga ginapamunuan ni Duterte) sa idalom sang 2024 national budget.
Apang pahayag sang bise-presidente, ini nga mga pagpanghangkat sa pulitika ang gamay lamang ipaanggid sa problema sa ekonomiya nga mahimo madugangan pa bangud sa Israel-Hamas war kag sa nagapadayon nga pagpang-atake sang Russia sa Ukraine.
Suno kay Duterte, indi ini panahon sa pangguba kag pamulitika ilabi na bangud malayo pa ang presidential elections.
Nagbuya pa ini sang statement kaangot sa pagkilala sa matuod nga mga abyan: “Huwag kayo sumama sa anumang uri ng pag-aapi. Sa halip, sa oras ng kagipitan, magmasid at nagkilala kung sino ang tunay na mga kaibigan na nasa inyong tabi.”
Matandaan nga antes sini, ang iya amay nga si anay Presidente Rodrigo Duterte ang nagpanindugan man kadampig kay Sara kun sa diin iya man gin-atake ang Kamara bangud sa iya gin-alegar paggamit sang pork barrel funds kag ginpalabtikan man sang istorya si House Speaker Martin Romualdez nga iya ginsiling magapadalagan sa pagka-presidente sa 2028. #
