ILOILO CITY- 𝗛anda si Assistant to the Vice Mayor Mr. Nene dela Llana nga mangin kabahin sang line up ni Ilolo City Mayor Jerry Treñas.
Ini matapos naggwa ang mga istorya nga may yara nga myembro sang line up ni Mayor Treñas ang posible mag-atras sa pagka-konsehal.
Sa interview sang Bombo Radyo kay Dela Llana, iya ginpahayag nga yara sa gihapon ang desisyon kay Mayor Treñas sa matabo nga reorganisasyon sang linyada sini para sa eleksyon.
Suno kay Dela Llana, wala man ini sang problema kun siya ang pilion sang alkalde kag nagapati man ini sa iya nga kapabilidad.
Paathag niya, wala gid man ini sang may nabatian nga may yara sa line up sang alkalde nga magaback- out.
Nahibaluan nga tubtob nalang sa Biyernes nga adlaw ang iya nga pagserbisyo sa Vice Mayor’s office bangud sa promosyon sini bilang Executive Assistant to the Mayor for Mental Health.
