ILOILO CITY – Mahimo na nga makabukas ang tanan nga night clubs kag amusement centers sa syudad sang Iloilo.
Ini matapos nga ginpirmahan na subong nga adlaw, Hunyo 23, ni Iloilo City Mayor Jerry Treñas ang Executive Order no. 086-F series of 2020 ukon ‘An Executive Order Amending Sections 4 and 7 of Executive Order no. 086 series of 2020.
Nakasaad sa nasambit nga order nga mahimo na nga makabukas ang tanan nga night clubs ukon pubs apang nagakadapat nga sundon lang ang minimum health standards.
Magluwas diri, pahanugutan man nga magbukas ang tanan nga sahi sang amusement centers kasubong sang theater kag movie houses.
Sa pihak sini, ginadumili-an sa gihapon ang pagbukas sang bulangan, casino kag kanselado sa gihapon ang tanan nga gaming operations sang Philippine Charity Sweepstakes Office magluwas sa Binggo bangud nga mabudlay ipatuman ang physical distancing measure.
