Ginklaro sang aktor nga si Niño Muhlach nga wala sang settlement nga matabo sa ila kaso nga gin-file batok sa duha ka independent contractors sang daku nga TV network nga sanday Jojo Nones kag Richard “Dode” Cruz.
Rape through sexual assault kag acts of lasciviousness case ang gin-file batok sa duha bangud sa gin-alegar nga ila ginhimo kay Sandro nga anak ni Niño.
Sa interviews, una na nga nakaplastar ang mga Muhlach nga indi sila magpa-areglo, apang nakalahog si Niño nga ginsilingan sini si Sandro nga kun mag-P100-million na ang ihatag sa ila, patawaron na lang ang pihak nga kampo.
“Si Sandro, ayaw magpaareglo. Pero sabi ko, ‘Kung PHP100 million na, magpatawad ka na, anak. Matuto kang magpatawad!'” pahayag sang former Child Wonder.
Apisar joke ini, madamo ang nag-seryoso sang statement sang actor kag nagsiling nga ginabaligya sini si Sandro. May mga nag-lecture pa nga wala sang bayad ang dignidad kag wala dapat ginabakal ang hustisya.
Sa separado nga statement, gin-athag ni Niño nga indi dapat pagseryosohon ang iya komento. Yari ang iya klaripikasyon:
“Para sa mga hindi marunong mag differentiate ng joke at ng totoong comments, para sa inyo ito!
“Last night, I participated in an interview that has unfortunately been taken out of context by some viewers.
“Those who know me well are aware that I have a humorous disposition and I often make light-hearted remarks.
“However, it is crucial to clarify that my comments during the interview were not meant to be taken seriously.
“My son is a victim of sexual abuse and I want to make it unequivocally clear that we have no intention of seeking a settlement from the perpetrators.
“We are already very blessed as a family and our sole objective is to seek justice for the traumatic experience my son endured.”
Agusto 19 sang gin-file ni Sandro ang complaints batok kanday Nones kag Cruz.
Sa hearings sang Senate committee on public information and mass media, ginplastar ni Sandro kun paano siya gin-alegar nga gin-molestyahan kag gintudluan nga maggamit sang illegal drugs nanday Nones kag Cruz kasunod sang isa ka gala sang July 20.
Sunod nga nag-file ang DOJ sang criminal cases batok sa independent contractors sa Pasay City Regional Trial Court sang nagligad nga October.#
