Nagpanawagan si Mamamayang Liberal Partylist Representative Leila de Lima nga dapat mag-resign ukon indi na pagpapungkuon sa iya posisyon si acting Senate Sergeant-at-Arms Mao Aplasca.
Ini matapos gindagdagan ini sang Office of the Ombudsman sang anum ka bulan nga preventive suspension bangud sang insidente sang pagpalupok sang pusil sa sulod sang Senate building sang Mayo 13.
Suno kay De Lima, “trigger-happy” si Aplasca kag dapat kabalo ini nga ginadumilian ang warning shots base sa rules of engagement.
Dugang pa niya, nabutang sa peligro ang kabuhi sang madamo nga sibilyan bangud sang natabo nga insidente.
Una na nga gin-ako ni Aplasca nga siya ang una nga nagpalupok sang pusil batok sa mga agents sang National Bureau of Investigation sa tunga sang tensyonado nga komprontasyon sa Senado nga may kaangtanan sa arrest warrant batok kay Sen. Ronald dela Rosa.
Bangud sini, padayon na nga ginaiimbestigaran sang mga awtoridad ang paggamit sang armas, command responsibility, kag ang pagdumala sang seguridad sa sulod sang isa ka sibilyan nga institusyon sang gobyerno kaangay sang senado.
