Nagpagwa sang Immigration Lookout Bulletin Order si Acting Justice Secretary Frederick Vida batok kay Sen. Ronald dela Rosa kag ginmandu-an ang mga awtoridad nga arestuhon ini kon magtuyo ini nga magguwa sa Pilipinas.
Suno kay Vida, ginakabig sang DOJ nga “mockery of justice” ang posible nga pagpalagyo ni Dela Rosa halin sa pungsod.
Ginkumpirmar man sini nga nabaton na nila ang ginpagwa nga arrest warrant sang International Criminal Court batok kay Dela Rosa may kaangtanan sa kaso nga crimes against humanity.
Sa pihak sini, ginklaro sang ahensya nga wala sang manhunt operation batok sa senador.
Ginpahayag sini nga ginakilala nila ang ”independence” sang Senado samtang ginahulat ang resolusyon sang Supreme Court may kaangtanan sa legalidad sang iya posible nga pagka-aresto.
