ILOILO CITY – Arestado ang number nine most wanted person sang Western Visayas kag amo man ang number eight wanted person sang probinsya sang Iloilo kag number 1 naman sa Passi City matapos ginserbehan sang warrant of arrest sa Barangay Minuyan, San Jose Del Monte City, Bulacan.
Ang arestado amo si Kevin John Larez Asis, 23, promodiser kag residente sang Barangay Magdungao, Passi City, Iloilo kag nagpalagyo sa Bulacan.
Siya ang may kaso nga three counts of rape with carnal knowledge.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga natabo ang pagpanghimulos sa Barangay Calaboa, Leganes, Iloilo sang January, April kag August 2022 kun sa diin, ang biktima ang isa ka menor de-edad.
Sa subong, preso na si Asis sa Passi City Police Station.
