Ginpuno sang mga manugprotesta ang mga dalanon sa 50 ka mga estado sa Estados Unidos sang Amerika agud nga isikway ang pila sa mga polisa ni US President Donald Trump.
3,300 ka separado nga mga rally ang ginhimo sa lain-lain nga mga state.
Gintawag ini nga “No Kings” Protest ukon ang movement nga ginahimo sa malinong nga paagi agud nga pamatukan ang mga authoritarian rulers sa White House.
Suno sa event organizers, masobra sa walo ka milyon nga mga tawo ang nagkadto sa ikatatlo na nga hugnat sang amo nga protesta.
Lakip sa ila ginsinggitan nga pamatukan nga mga polisa amo ang gyera sa Iran, ang immigration enforcement, kag ang mataas naman nga mga galastuhan sa palangabuhian.
Kaangay sa nauna nga mga hugnat sini nga rally, nagdala ang mga protesters sang effigies nanday Trump, Vice President JD Vance, kag iban pa nga mga opisyal sa Trump administration. Ginpanawagan nila nga kakason sila sa pwesto.
Isa sa flagship “No Kings” protests natabo sa Minnesota kun sa diin ginpatay anay sang federal immigration agents ang duha ka American citizens nga sanday Renee Nicole Good kag Alex Pretti sang Enero.#
