May tyansa pa nga ma-reactivate ang SIM Card lima ka adlaw matapos ma-deactivate kun maglampas na sa Abril 26 nga deadline.
Sa interview sang Bombo Radyo kay Atty. Deo Virgil Tan, legal officer sang National Telecommunications Commission Region 6, iya ginpahayag nga mahimo magpalapit ang tag-iya sang SIM card sa telecommunication company kag ipa-register ang numero agud nga ma-activate liwat.
Mas mabudlay ini nga proseso gani nagpahanumdom liwat ang opisina sa publiko nga maghingagaw na antes pa man ang Abril 26 nga deadline.
Wala sa gihapon sang gina-anunsyo ang Department of Information and Communications Technology nga extension sa amo nga deadline.
Sa Iloilo, may yara sang facilitated SIM registration nga hiwaton sa Barotac Viejo kag New Lucena sa masunod nga semana.
Maga-umpisa las-8 sa aga tubtob las-5 sa hapon ang registration sa Barotac Viejo Gymnasium sa Abril 24; samtang sa amo man nga oras ang registration sa New Lucena Auditorium sa Abril 25.
