LEON, ILOILO – 250 na lang ka tawo kada adlaw ang ginapahanugutan nga makasaka sa tourist destination sa Bucari, Leon — ang ginakabig nga “Little Baguio” sa probinsya sang Iloilo.
Sa interview sang Bombo Radyo kay Leon Mayor Ma. Lina Holipas, iya ginpahayag nga dapat man nga may pre-booking ang mga turista nga magabisita sa amo nga lugar.
Ini ang nahisugtan sang local government unit matapos nga ginsiraduhan man ang amo nga tourism destination sang nagligad nga Semana Santa agud malikawan ang paglapta sang COVID-19.
Sa subong, may tatlo pa ka active cases sang COVID-19 sa bug-os nga banwa sang Leon; isa diri ang locally stranded individual kag duha ang local cases.
