Ginaalegar nga may personal ukon mental health problems ang Pinay nga arestado subong sa Kuwait nga gin-alegar nagpatay sa bata sang iya employer.
Suno kay Department of Foreign Affairs (DFA) Undersecretary Eduardo De Vega, base ini sa impormasyon nga nakalab-ot sa Philippine Embassy sa Kuwait.
Ginapahayag nga nagsuprer ini sang depression antes pa man natabo ang insidente.
Base sa reports sang Gulf News kag Arab Times, ginbutang sang domestic worker ang bata sa sulod sang washing machine kag ginpaandar matapos nga naugot ini bangud gina-disturbo siya sang bata.
Suno pa kay De Vega, nakabaton sang reports sang embahada nga antes ang amo nga hitabo, nagasininggit pa ang OFW.
Nagpasalig man ang ahensya nga mahatag sila sang nagakaigo nga assistance santo sa mandato sang DFA.
Magahatag man ang Philippine Embassy sa Kuwait kag Department of Migrant Workers attache sang legal kag psychosocial assistance sa amo nga OFW. Ginahulat pa ang dugang nga detalye bangud istoryahon pa sang embassy ang domestic worker bangud yara pa ini subong sa kustodiya sang pulis.
Halin ini sa Alcala, Cagayan kag nagatrabaho sa Kuwait halin pa sang 2015.
Ginsulit man sang ahensya nga isa ini ka isolated incident kag wala naga-salamin sang batasan sang mga Pilipino sa amo nga pungsod.
“This is an isolated incident just like pag may Kuwaiti na nanakit ng Pilipina. Well, hindi naman natin sinasabing lahat ng Kuwaiti ganun. Kaya nga na-lift ‘yung ban. So we hope the Kuwaitis will understand,” suno kay De Vega.
