ILOILO CITY – Magapatigayon sang one time big time operation ang Iloilo City Government sa mga badjao nga nagaliho-liho kag nagapangayo-kayo sa syudad sang Iloilo.
Ini ang pangunahan sang Public Safety and Transportation Management Office, City Social Welfare and Development Office, Iloilo City Police Office kag Philippine Coast Guard Iloilo.
Sa interview sang Bombo Radyo kay Hector Alejano, Executive Assistant to the Mayor, iya ginpahayag nga padayon nga ginamonitor kun sa diin nagatinir ang mga badjao sa syudad.
Suno kay Alejano, nagmandu si City Mayor Jerry Treñas nga plano niya nga hatagan sang plete ang mga badjao agud nga makapauli sila sa ila nga lugar.
Dugang pa sang natungdan, indi manami lantawon nga ang mga badjao ang nagalinapta sa syudad kag nagapangayo-kayo sa mga tawo.
Kinahanglan lamang sang kooperasyon kag seryosohan sang tanan nga ahensya agud nga matipon ang mga badjao kag maibalik sa ila lugar.
Kun indi naman ini ma solusyonan kag mapabay-an na lamang, mangin dako ini nga problema sa syudad sang Iloilo.
