ILOILO CITY – Plano ni Iloilo City Councilor Romel Duron nga magpatukod sang Tricycle Franchising and Regulatory Unit sa syudad sang Iloilo.
Sa interview sang Bombo Radyo kay Councilor Duron, chairman sang committee on transportation sang Sangguniang Panlungsod, iya ginpahayag nga madamo sang mga concerns sa bahin sang tricycle sa diin kinahanglan ini nga i-regulate.
Suno kay Duron, kabahin man sang regulatory office ang mga trisikad.
Luyag sang konsehal nga may yara sang tawo nga magatutok sa mga concerns sa mga tricycle kag trisikad.
Dugang pa sang natungdan, dako ang responsibilidad sang tricycle operator ilabi na kun may matabo sa pasahero sa diin nagakadapat nga may yara ini sang proteksyon kaangay sang insurance.
Sa subong yara na sa first reading ang ordinansa nga ginaduso ni Konsehal Duron nga pagpatukod sang Tricycle Franchising and Regulatory Unit.
