SARA, ILOILO – Away sa duta ang isa sa mga ginasundan nga motibo sang otoridad sa pagpatay sa isa ka mangunguma sa Brgy. Tady, Sara, Iloilo.
Ang biktima ang ginkilala nga si Tweemard Paciente, 27, sang nasambit nga lugar.
Sa interview sang Bombo Radyo kay Police Staff Sergeant Kenneth Naranjo, imbestigador sang Sara Municipal Police Station, iya ginpahayag nga nagaguwa sa autopsy examination nga ginluthang kag ginlampusan sa ulo si Paciente.
Bag-o pa man ang insidente suno kay Naranjo, may yara pa sang nakaba-is ang biktima.
Nakuha sa crime scene ang 12 gauge shot gun kag buka nga wooden handle sang nasambit nga armas-luthang.
Sa subong, padayon ang imbestigasyon tuhoy sa kamatayon sang biktima kag may yara naman sang mga persons of interest sa krimen.
