ILOILO CITY- Gin-lockdown ang Out Patient Department sang Ramon Duremdes District Hospital sa Dumangas, Iloilo kasunod sang exposure sang mga personnel sang ospital sa isa ka COVID positive.
Sa interview sang Bombo Radyo kay Dr. Cynthia Cabangal Ng, ang Chief sang Provincial Management Health Office, iya ginpahayag nga na- exposed ang mga personnel sa pito ka tuig nga bata nga gindala sa amo nga ospital sang Agusto 2 nga nagpositibo sa COVID-19 kag ginbawian sang kabuhi.
Suno kay Ng, bangud sa lockdown sang Out Patient Department, kanselado man ang pre-natal, dental check up, kag mother’s class samtang sa bahin sang dog bite,ang pagabatunon lang amo ang follow up check up/ injection kag indi pagbatunon ang bag-o nga kaso bangud wala sang doktor nga maga-check-up.
