Nagdangat sa P1.2 million ang balor sang halit nga tuga sang pagkasunog sang balay sa Barangay Dawis, Dingle, Iloilo.
Ang balay ang ginapanag-iyahan sang Dairo Family.
Sa interview sang Bombo Radyo kay SFO3 Edison Gimotea, Municipal Fire Marshal, iya ginpahayag nga totally burned ang isa ka balay kag wala na naglapta pa ang kalayo sa kaiping nga mga panimalay bangud protektado man ini sang fire wall.
Suno kay Gimotea, gina-imbestigaran pa sang Dingle Fire Station ang gin-umpisahan sang kalayo.
Sa subong , ang anom ka myembro sang nasambit nga pamilya ang temporaryo nga nagatinir sa Barangay Hall.
