ILOILO CITY – Ginapanugyan sang eksperto ang insakto nga time management sa pagtuon sang mga estudyante.
Sa interview sang Bombo Radyo kay Dr. June Acebedo, Self-Transformation Coach, iya ginpahayag nga pinaagi sa time management, makaangkon sang mas mataas nga grado ang mga estudyante.
Suno kay Acebedo, ang time management, amo ang pagtunga sang oras sa insakto nga mga ulubrahon depende sa kabug-aton sang importansya sini.
Sakop sang time management ang epektibo nga pagplano, paghimo sang deadline, pagpain sang mga responsabilidad, paghatag sang prayoridad depende sa importansya sini kag paggamit sang insakto mga oras para sa mga ulubrahon.
Agud magamit sang insakto ang oras, nagakadapat suno sa natungdan nga unahon ang mga dapat unahon kag indi epektibo ang “multitasking” bangud ginadula sini ang pokus sa isa ka bagay.
Importante man suno sa natungdan ang paghimo sang schedule agud mahibaluan kun ano ang dapat unahon kag malikawan ang procrastination.
Gin-athag sini nga importante man sa isa ka estudyante ang “break”.
